Italy Nih Tlor Thing Pawl Myanmar Sin In A Cawk Peng Tthiam
EU nih kan hnu june thla thok in cawk tilo ding ah a phih khar cangmi Myanmar tlor thing pawl cu Italy nih 300(Tan) tluk an cawk i a man in $2.3 millions tluk asi tiah EIA nih a thanh.
Myanmar ram buainak ruang ah ralhrang hna cawlcang kho hna hlahseh tiin EU telh in vawleicung ramkip nih Myanmar cu chawlehnak a lamkip in an kham i cu chung ahcun a hlei in mantam a simi Tlor thing hi cawklo ding ah an i hmaithlakmi ah ai tel ve.
EU ram telh in ramtam pi nih cutin dantat phihlharnak an pek lio ahcun Italy nih caan ttha ah i lak in Myanmar tlor thing pawl cu ramleng kuat chin ding ah a cawk lengmang.
Italy cozah nih Myanmar ram tlor thing pawl cu thlathum chung ah $1.5 in 1.7 million hrawng a cawk tiah EIA nihcun a thanh.
EU nih a khammi Myanmar tlor thing a cawkmi kong ah Italy cozah cu pawngkam rawhralnak zeia arel lo pin ah Myanmar ralkap an dir khawhnak ding ah a bawkhchanh zong a si tiah sual an phawt.
#VOM
