Gaza hmunhram hrawnghrang chaklei ummi minung 1million leng cu thlanglei lei ah suimilaam 24 chungah ithial ding in Israel nih nawlpeknak an tuahmi cu Hamas phu nih i țhial lo ding in Gaza Mizapi cu an forhfial hna.
Palestine UN palai Riyad Mansour nih Israel nawlpek mi cu zamnak vulei a ngei lo mi Gaza mipi hna cungah zawnruah nak ngei lo in thahnawn timh a si tiah nizaan ah media sinah a chim. Israel nih vanlei in kahdoh nak a tuahmi ruangah Hamas phu nih tlaih mi chung in Israel mi le ramdang mi minung 13 nunnak a liam tiah tiah Hamas phu nih nizan October 13 ah a thanh.
Khatlei in American Foreign Affairs Minister Antony Blinken cu Jordan siangpahrang Abdullah, Palestine President Mahmoud Abbas hna he Jordan ah nizaan ah khan tonnak an ngei. Cun American runvennak Minister Lloyd Austin zong Israel hruaitu hna he tonnak an ngei.
Israel -Hamas i kahnak ah Gaza ah minung 340,000 inn lo ngeilo in an zaam tiah UN nih an thanh fawn. Hamas phu nih kah mi ruangah minung 1800 leng nunnak liam tiah Israel nih a thanh i Israel nih lehrul nak a tuah ve caah Palestine mi minung 1500 leng nunnak a liam ve.
