Israel ram thlanglei cu Palestine hriamtlai Hamas phu hna nih ruah lo piin a doh caah Israel nih lehnak a tuah colh ve.hi chung ah a nunnak a liam mi hi minung 1100 leng an phan cang tiah BBC nih October 9 ah a tarlangh.
Hamas hriamtlai phu hna nih ralphaw ah an tlaih mi hna hi minung 100 tluk an si i cu chung in mi cheu cu Thailand ram mi hna an si.
October 7, zarhte ni ah aa thok mi Israel le Palestine kar buai nak chung ah hin Thailand ram mi minung 12 nunnak a liam ii 11 cu Hamas phu nih an tlaih mi chung ah an ii tel tiah Thailand Foreign Minister zung lei nih an thanh.
Zinan a chuah nak hmun a si caah hi buaibai nak cu a caan rau sual lai ti kong ah ramkip cu an buai ii Zinan man zong a kai colh ve.
Israel lei nih vanlei in kahdoh nak a tuah colh ve caah Gaza ii Palestine minung (120000) cu an um nak an chuah tak.cu chung ah (70000) tluk cu sianginn hna ah an ii dor hna tiah UN nih a langhter .Hi buaibai nak aa thok sinin American nih a raltuk nak tilawng Gerald R Ford cu Israel he a naih nak ah a chiah cang i Israel cu a dirkamh kong President Biden zong nih a chim.
