India le Myanmar ramri (Manipur le Myanmar ) ah kilometer 100 a sau mi ramrikulhnak sak thawk a si cang tiah India Ministry of Home Affairs 2022-23 report peknak ah an langhter tiah THE HINDU thawngzamh nih a thanh.Hi report cu kan hnuzarh ah pek mi a si.
Aluancia May 3,2023 ah aa thok mi miphun karlak buaibai nak ruang ah a tlawmbik minung 175 nunnak a liam ,hi bantuk thil a can nak ruang hna lak ah ramrikulh nak a that lo caah Myanmar ram in a rak lut mi hna zohkhenh kawh lo ruang ah a si tiah ruahdamh a si.
2022 kum chung ah India ram Nichuah thlanglei ram ah buaibbai nak(201) a chuak,cu chung ah 137 cu Manipur ram chungin a chuak mi a si.
Myanmar le india kar ah zalong tein ramri lutchuak kho ding in hnatlak nak rak ngeih a si. 2020 covid a um hnu ah Manipur cozah nih a rak phih than.Hi bantuk ramhnih hnatlak nak cu hrawh in ramri cu tha tein kulh dih ding in Manipur Prime Minister N.Biren Singh nih September 23 ah a chim.
Myanmar ram cu India ram, Arunachal Pradesh ramkulh he 520 km,Nagaland he 215km, Manipur ramkulh he 398 km le Mizoram he 510 km in aa tong mi ram a si.
