Indaw khua chung ah council ralkap pawl cu KIA ,PDF nih voi 2 tiang an kah doh hna ,ralhrang 24 an thi hliamhma tam an tuar .
===============================================
January 5, 2022
Myitkyina in Mandalay lei a kal mi council ralkap motor pakhat cu KIA le Katha Peng PDF battalion 2 nih Sagaing ram,Indaw peng Sipin khua le Hpapant khua kar ah nizan January 4 Chun sml 1 :40 ah an hngah hna ii an doh hna,Sipin khua ah ralkap bawm ding ah ara mi ralkap motor pakhat cu an doh chap hna.Cu kah doh nak ah council ralkap lei in ralkap 24 an thi,tam nih hliamhma an tuar tiah Indaw –PDF nih an thanh.
Kah doh nak voi hnih chung ah council ralkap lei in ralbawi pakhat tel in miung 24 an thi hliamhma tam an pu .KIA le PDF lei in a hliam mi le a thi mi an um lo tiah theih si.
Kah doh nak ah Myitkyina in Mandalay lei akal mi ralkap motor pawl cu hman ngah lo ding tiang in a rawk ii lam kam ah an chiah tak.A Bawm tu ding ah a ra mi ralhrang phu cu lam kam ah hriamnam ngan in an kah doh hna. Athi mi pawl cu an phorh hna ii an kir tiah theih asi.Mipi pawl tu lio khualtlawng ah I relring ding in Indaw –PDF nih cathanh an chauh.
