Hpapun pengkomh chungah KNLA nih an doh hna caah SAC ralkap kut tang BGF 7 an thi
Kayin ramkulh, KNU Brigade(5) hmun, Hpapun pengkomh, Kamarmo (ကမာမို) in Kataingti (ကတိုင်တိ) lei a ra mi SAC kut tang BGF mawtaw cu KNLA Brigade(5)phu nih kan doh hna tiah KNU Mutraw pengkomh nih July 4 ah cathanh an chuah.
SAC ralkap kut tang BGF battalion(1013) nih hriamnam le thazaang chap ding in a ra mi mawtaw cu July 1 ah an kah hna i mawtaw chung um mi BGF ralkap minung 7 an thi tiah KNU nih an langhter.
Cu BGF mawtaw chung i an phorh mi hriamnam thilri vialte cu an chuh dih i BGF mawtaw cu KNLA phu nih mei in an khanghtiah tiah theih asi.(Crd.AyeyarwaddyTimes)
