Karen ramkulh,KNU brigade 5 hmunram,Hpapun khua hrambunh SAC Light Infantry Battalion 434 le Armory Collection Department 642 sakhaan cu KNLA hruaimi dothlennak ralkap hna nih nihin April 25 zinglei sang ah an laak tiah theih a si.
“Nihin zinglei sang ah Hpapun hrambunh SAC LIB 434 le Armory Collection Department 642 sakhaan hna cu kan laak.SAC ralkap tampi an thi i hriamnam zong tampi kan laak,a tu zong Hpapun ah kahdohnak pehtlai in a chuak cuahmah” tiah ralam ah a um mi thawnghram pakhat nih Khit Thit media ah a chim.
Hpapun khua chung ah hin SAC LIB 340,341 battalion pahnih le Byuha sakhaan pakhat an taang rih i cu hna cu tuk cuahmah a si.
