Hpakant peng ah a um mi SAC ralkap sakhaan cu KIA le PDF nih an doh hna
Kachin ramkulh,Hpakant peng nitlaklei kap Selzin khua pawng ah a um mi SAC kuttang ralkap pawl i Shwe Pyi Thit sakhaan cu KIA le Kachin-PDF(KPDF) nih August 8 zing sml 1 ah an doh hna tiah KPDF le a neih niam mi news in theih a si.
Shwe Pyi Thit sakhaan cu Shanni ralkap(SNA) le Lesu mipi ralkap telh in SAC salkap no.119 pawl an umnak sakhaan a si tiah KPDF he a nieh niam mi news nih a langhter.
Cu ralkap sakhaan cu KIA brigade-9 kuttang battalion-26 le KPDF pawl nih hriamngan in an kah hna hnu ah kaphnih kahdohnak a fak tiah theih a si.
KPDF he a neih niam mi news nih”sakhaan hi lak ah a ngah.A thi mi zong an um.Thilri pawl zong an ngah tiah a chim.A tu tiang hi cu phone line a that lo ruang ah peh tlaih a har i a fiang in theih a si rih lo” tiah a chim.
Hpakant peng ah um mi khuami pakhat nih Selzin khua um Selzin phungki umnak pawng le Shwe Pyi Myint hlei pawng ah hi kahdohnak hi a si i hriamngan puah thawng pawl zong theih a si tiah a chim.
Kahdohnak chung ah SNA lei in ralkap 5 an thi tiin thawngpawng a chuak tiah Hpakant peng khuami pakhat nih a chim.
A luan cia July thla zerh thumnak chung zong ah Hpakant peng Selzin khua pawng ah SAC ralkap le KIA a hruaimi ralkap bu kar kahdohnak fak a chuah i SAC ralkap lei nih vanlawng pakhat le helicopter pakhat in an rak doh hna tiah Hpakant khuami sinin theih a si.(Crd.The Irrawaddy-Burmese Edition)
