Hpakant khua ah council ralkap ii Jarahan sakhaan cu KIA le PDF nih an lak khawh ,Moe Nyin Maw Han ralkap sakhaan an lak lio ah council ralkap lei in 2 an thi
Febuary 3 ,2022
Kachin ram,Hpakant peng Lungkhin khua Jarahan council ralkap sakhaan cu tuni zinglei sml 3 hrawng ah KIA brigade 9 kuttang battalion 6 in KIA le PDF nih an kahdoh hna i Sakhaan cu kan lak khawh tiah kan theih.
Tuni sakhaan lak kahdohnak ah council ralkap lei a thi mi le an hliam mi an tam, Kahdohnak thil sining cu a fiang in theih asi rih lo, tuni zinglei sml 5 hrawng ah Hpakant strategic(ဗျူဟာ)tlang in hriamnam ngan voi 10 leng an kah tiah theih asi.
Febuary 2 zan sml 7 hrawng ah Hpakant Development zung pawng ah Bomh pakhat a puak i a puah thawng a thang taktak tiah theih asi.
Kachin ram,Moe Nyin Peng,Mawhan khua um Yekin sakhaan cu tu zinglei sml 3:30 ah KIA battalion 35 le PDF nih an lak khawh ve Sakhaan cu an khangh dih i Council ralkap leiin 2 an thi tiah kan theih.
Febuary 3 zinglei sml 3:30 in 4:30 tiang KIA battalion 35 le PDF nih Moe Nyin peng Mawhan palik sakhaan cu an doh hna Kahdohnak ah council ralkap 2 an thi anung in an tlaih mi hna zong an um.Hriamnam,zen le kuan zong an lak hnu ah Yekin sakhaan cu mei an khangh tiah theih asi.
‘Zing tuan te ah Moe Han palik sakhaan le salmine kar ah hriamnam ngan aw le Hriamnam ngan aw a thang.Line ka on hnu ah Mawhan palik sakhaan an lak cu ka hmuh.Atu ah vanlawng aw lasng te kan theih’’ tiah MawHan Khua pawng um mi khuami pakhat nih achim.
