Kachin ramkulh,Hpakan peng NamhTing SAC sakhaan le Weikha Khuate um SAC Palek sakhaan hna cu nihin January 6 zinglei sang ah KIA le KPDF phukomh hna nih an laak tiah theih a si.
“Namting khua um SAC caah a biapi ngai mi sakhaan pakhat le Weikha khua um SAC sakhaan le Palek sakhaan hna cu kan laak cang.Palek bawi pakhat a nung in kan tlaih” tiah KPDF in rian ngei tu pakhat nih Red News Agency ah a chim.
Weikha khua um SAC Byuha sakhaan an sungh lo nak ding ah SAC nih Jet fighter hmang in a tu le tu a rak kah leng ah Hpakan khua um SAC byuha sakhaan in hriamngan zong cat lo in a kah ve tiah theih a si.
“Weikha SAC byuha sakhaan cu dothlennak ralkap nih an kulh cang i a si lai,SAC lei nih Jet fighter pakhat hnu pakhat a rak thlah i a rak kah ko,hriam ngan kah thawng zong pehtlai in a thang ko” tiah khuami pakhat nih a chim ve.
A tu dirhmun ah cun KIA hruai mi dothlennak ralkap hna nih Weikha khua um SAC Byuha sakhaan laak kho ding in an nam cuahmah i kaphnih kar kahdohnak fak piin a chuak cuahmah tiah theih a si.
