Sagaing ramthen,Hkamti pengkomh,Homalin peng chung um khuate 4 in SAC kuttang Pyusawhtee 120 nih hriam an chiah tiah NUG Ministry of Defense nih nihin April 8 ah a thanh.
Homalin peng Kyun-Kung khua,Taung-Twat khua,In-Kyin-Maw khua le Manaw-Thar khua hna in pyusawhtee hna cu dothlennak ralkap hna nih ni 9 chung an khua luhchuahnak phihkhar in hriam chia ding ah an forh hna hnu ah nihin April 8 zinglei slm 2:00 tluki ah hriam an chiah hi a si.
Cu tin hriam a chia mi Pyusawhtee hna cu an zapi ah minung 120 tluk an si i PDF nih meithal zun 130 leng ah kuanzen zeimaw an laak tiah theih a si.
A tu bantuk in Pyusawhtee khua pawl phihkhar in le kahdohnak a tuah tu dothlennak ralkap ttangti pu hna cu No.1 Military Command hruainak in PDF battalion 4 le 8,Mawlait pengkomh battalion 1,Hkamti pengkomh battalion 1,Phawng-Pyin peng Pah-kah-phah le Homalin peng Pah-kah-Phah hna an si.
