Hniarlawn khua ah SAC ralkap nih an kah mi hriamngan ruang ah mipi 1 a nunnak a liam,1 hliam a hmu
Tuni August 10 zing sml 8:30 hrawng ah Hakha SAC ralkap pawl um hmun an khuarnak vuanzi inn le pengkomh zung pawng ah kahdohnak a chuak.
Cu kahdohnak chung ah SAC ralkap nih an kah mi hriamngan pakhat cu Hakha pawng Hniarlawn khua inn pakhat cung ah a tlak caah Pi Chia Hnem cu a nunnak a liam i pakhat hliam a hmu tiah theih a si.
“Vuanzi umnak inn lei an i kah ruang ah kan khua lei an rak kah cu a sual lam a um lo.Zing sml 10:30 hrawng ah khua chung ah hraimngan 2 a rak tla i pakhat hi Pi Chia Hnem te inn coka cung ah a tlak caah Pi Chia Hnem hi a hmun ah a nunnak a liam colh.A dang pakhat hi a kut ah a khen i a hliam mi a fak” tiah khuami pakhat nih a chim.
Khua chung ah hraimngan a tlak ruang ah khuami a cheu khat cu an tli i a cheu cu innchung ah an i thup tiah theih a si.(Crd.Zalen)
