Hinthada Pengkomh Kahdohnak Ah SAC Lei 30 Tluk An Thi

Tlang Uk

Irrawaddy ramṭhen, Hinthada pengkomh chung, July 19 in August thla  dih tiang ah kahdohnak voi 8 a chuak i SAC lei 30 tluk an thi tiah Hinthada pengkomh PDF B01 nih October 11, 2023 ah an thanh.

Rakhine Yoma he aa pehtlaihnak Kyankhin peng nitlaklei ah thazang tampi in kahdohnak a tuah mi SAC ralkap pawl le PDF pawl karlak ah kahdohnak a chuah hi a si.

Kahdohnak  chung ah SAC ralkap lei 30 hrawng an thih leng ah ralhraang bawi  Second Battalion Commander pakhat fak ngai in aa hliam tiah an thanh.

Cun SAC ralkap pawl hman mi MA-1 zuun 1 le kuan cheukhat pawl an lak khawh i hliam a tuar mi ah ralhraang bawi  Second Battalion Commander cu a kut a bul leng ah a mit zong aa hliam tiah theih a si.

Kahdohnak chung ah PDF lei in hriamnam  cheukhat an sung ve i Drone phu hruaitu Zwai Man, Linn Yone le Aa Thit hna nih ram le miphun caah an nunnak an pek ve tiah an thanh.