Palestine hriamtlai phu Hamas nih October 7, ah Israel a doh cu a fak ngai ngai.Cu tin Israel nih ruah lo piin doh a ton mi cu Israel le Palestine kar i kumhrabu tampi chung khat le khat irem lo nak ii a phichuak a si.Hamas phu hna nih Israel an tuk nak a ruang tampi hna lak ah (3) cu.
Gaza
Gaza hmunram cu Israel,Izipt le leitangrili kar ah 41km a sau i 10km a kau mi hmunram a si.Cu hmun teah cun minung 2.3 million an um i vulei cung minung an chah bik nak hmun chung ah pakhat a si ve. Gaza ah a um mi chungin 80 % cu ramdang bawmhnak bochan in a nung mi an si tiah UN lei nih a chim. 2021 ah UN nih cazin a laak ningah Gaza ah hin buaktlak in nikhat ah electric mei slm 13 chunglawng a um ii dinti zong an herhning zat in an ngei lo tiah a langhter.
Hamas phu nih Israel an tuk mi lehrul nak ah tiin Israel nih Gaza cu phihkhar nak a tuah hna,cuchung ah eidin tirawl le datsi ,diesel hna zong an ii tel.
Palestine cozah a dirkamhtu hriamtlai phu cu Hamas phu hna nih 2007 ah an rak thlak hna thok in Gaza hmunram cu Hamas kuttang arak phan.2014 ah a rak chuak mi Israel – Hamas kar caan zeimawzat buaibai nak a dih sinin Israel nih Gaza le a pawngkam ah venhim nak hauhruang a rak ser.
Al Aqsa Mosque ( ဗလီ)
Jerusalem nichuahlei ah a ummi Al Aqsa Mosque (Islam biaknakinn ) pi kong hi Israel le Palestine kar an buaibik nak pakhat a si.Tlangpar ah a um mi hi mosque pi cu Islam biaknak nih an upat tuk mi a si bantuk in Juu miphun hna nih (Temple Mount ) an ti ii an sunghsak bik nak hmun a rak si ve.
Hamas phu commander Muhammad Al-Daif nih kahdoh nak chung ii a chim ning ah Hi an biaknak inn cu Israel lei in nifatin an doh ii kan tlangbawi an zawmtaih caah a tu bantuk in Israel kan kahdoh hi a si tiah a langhter.
Aluancia April thla ah khan biaknak lei puai pakhat ah buaibai nak a rak chuah caah Israel palek hna nih awbomb (sound Bomb ) le Rubber kuan hna hmang in cu biaknak in cu an rak luhhnawh hna.2021 lio zong ah Israel palek hna nih luhhnawh ruang ah Israel le Hamas kar ah ni (11) chung kahdoh nak a rak chuak.hi tlang kong he pehtlai in Israel nawlngei tu hna nih cun biaknak zalonnak a um khawh nakhnga kan tuan mi a si tiah an chim ve.
Juu Miphun Hrambunhnak Sakhan Hna
1967 ralpi a dih hnu ah Israel hna nih hmunram laknak an tuah hnu ah Jordan tiva in nitlak lei hmunram hna ah Juu miphun hnanih hmunkhuar in hmunhma an laak.2022 tiang ah Israel nih a rak lak mi hmunram hna ah hmun a khuarmi Juu miphun hna hi minung (700,000) tluk an si UN nih a thanh.hitin Juu miphun hna nih hmun an khuarmi cu UN telh in ramtampi nih phunglut lo a si a ti nain Israel nih a cohlanglo.2023 kum chung ah Jordan tiva in nitlak lei hmunram hna ah Palestine miphun hna cung ah Juu miphun hna ii namneh nak a karh ngai ngai ii thlakhat chung ah buaibainak voi (100) leng a rak chuak.2022 kumthokka in cu hmunram chung i a ummi Palestine miphun minung (400) tluk cu Juu miphun hna nih an rak thawl hna.
