Hamas phu an rawh hlaan lo cu remdaihnak ngah ding a si kho hrim lo tiah Israel Prime Minister Benjamin Netanyahu nih a chim hnuah nihin ah Gaza hmunhrawn ah bomb an thlak.
Gaza a lai Jabalia le Khan Yunis hmunhrawn ah a ummi tuk ding hmuitinh zakhat leng cu suimilaam 24 chungah kah an si tiah Israel ralkap nih an chim.
Dipa 25 ah Gaza i tlaihmi Israel mi minung 100 leng thlah an si khawhnakhnga Israel i an chungkhar hna nih Israel Parliament hmai ah catar i put in an duhnak an langhter lio caan ah Prime Minister Netanyahu nih Hamas an cihmih tiang kan doh lai tiah a chim.
Hi tiang dirhmun kan phanh hnuah kan ngol lai lo, teinak kan hmuh tiang a dongh tiang kan doh lai. Kan nih cu midang ram bantuk kan si lo, a dang thim ding zong a um lo tiah a chim.
