Chin ramkulh Hakha khua ah ralkap kuttang zungkai mi Covid in a zaw le a thi an um, Nawlngeihnak la ralhrang riantuan tu,Chin ramkulh,Hakha cozah zung in cozah riantuan atam deuh sin in Covid zawtnak hmuh an si caah,sii-inn conghhramh mi le a thi mi zong an um tiah theih a si.
“Zung ah a zawmi an tam ngai,riantuan tu zong tuan nak in kan zor ngai, atu a zawmi hi rimrua thei lo mi zong an um,kan pu le he a naihniam mi hi an zaw khun,nizaan ah sii-inn a phan mi pakhat a nunnak liam,kan pu pakhat zong sii-inn ah Oxygen thlaih lio a si tiah” zung riantuan pakhat nih a chim.
Pengkomh cozah zung luhchuahnak ah Covid he pehtlai in checknak nifatin an tuah ti zong kan theih.
“Adik ningin chim ko ahcun,kan nih zong kan tih ve ko,zawtnak i chawnh lo dingin a lengmi he check cu a ning,hika ah rallokap he si tik ah,ahohmanh kan va check hna lo,anmmah sinin kan i chawnh ahcun kan dihlak zungkai mi kan i chawn dih lai,Covid in a zawmi a tam u hi cu kan pu le umnak in a si tiah” zung chung in an i chawnhnak kong pakhat nih a chim.
Chin ramkulh chungah Covid 19 zawtnak ngeih le ngeih lo minung 13000 leng RDT in check an si i zawwtnak hmuhmi minung 2000 leng an di,nunnak liammi 100 leng an si.
Credit. Mizzima
