Minung hawi zawnruahnak he kahdaihnak tuah dingin EU Foreign Minister hna nih an i zuam cuahmah lio ah Israel nih Gaza tluanghrawn hrawng cu nizan October 23 ah vanlei in kahdohnak a tuah thiam.
EU ah upa tuanvo tlaimi Josep Borrell nih cun Gaza tluanghrawn ah minung hna bawmhchanh ding caah rallei daih a herh an zumhnak kong an thanh. A voihnihnak bawmchanh dingin an kal nikhat hnuah tu bantukin a chuah hi a si.
A nikhatnak ah motor ngan 20 an lut, nizaan ah 20 leng an phan, raldohnak a chuah hlaan ah nikhat ah zatuak in motor 100 an luh caah motor 20 lut nih cun a daih hna hrimhrim lai lo ti aa fiang tiah Josep nih a chim.
Hamsa kahnak ruangah Israel minung 1400 leng an nunnak a liam. Palestin ngandamnak rianhmun lei nih Gaza ah nunnak liammi a tlawmbik ah 4651 an si i, 14254 hliam an tuar tiah an chim.
