Gangaw peng,dawr thil cawk ah a chuak mi palik 3 cu meithel in an kah hna
Magway ramthen,Gangaw peng,Myinywar(မင်းရွာ) palik sakhaan in dawr thil cawk ah a rak chuak mi palik 3 cu lam ah timhcia tein an hngah hna i meithel in an kah hna tiah PDF-Gangaw thlanglei phu pakhat nih a chim.
July 30 chun sml 12:30 hrawng ah thil cawknak in an rak kir lei ah an kah hna hi a si.Cu an kahnak hna ah cun palik 2 an thi i pakhat cu hliam hma he a tli tiah a chim.
An thutnak dawr chung cun kut tuah MM 40 in kan kah hna i ning cang lo in an si lio ah meithel in kan kah hna.Pakhat cu a hlaim hma he a tli tiah a chim.
Auto gun kan ngeih rih lo caah kut tuah MM 40 pakhat,pistol 380 pakhat,rifle pakhat in kan doh hna tiah a chim.
Palik sakhaan lei in pakhat long a thi tiah khua chung ah thawng an thanh nain dawr pawng ah pakhat le tlakrawh vampang pawng ah pakhat an thih mi kan hmuh caah a thi mi hi 2 an si tiah fiang tein fehter a ngah tiah a chim.
Cu kahnak a si hnu ah SAC ralkap lei nih pawngkam cu hriamngan in an kah.Palik sakhaan a hmai lei lam zong kalnak nawl an phih tiah theih a si.(Crd.မောင်း)
