Gangaw peng kahdohnak ah SAC ralkap lei in ralbawi telh in 30 leng an thi
Magway ramṭhen, Gangaw peng ah June 2 in kahdohnak a tuahmi SAC ralkap pawl le Yaw Defense Force (YDF) karlak ah kahdohnak a chuak i SAC ralkap lei in ralbawi 1 telh in a thimi an tam tiah YDF nih a thanh.
Kyaw khua ah hmunhma a khuarmi SAC ralkap mawṭaw 60 le tank hna cu Gangaw lei an an rak rat caah YDF nih an bawh i an kah hna hi a si tiah YDF thawngthanhnak in theih a si.
Kahdohnak chungah ruak pakhat cu ralkap pawl nih an cawi i an kalpi colhmi kha hmuh a si caah battalion commander nak in reng a niam lo deuhmi a thi lai tiah ruahdamh a si i a dang ruak pawl cu Yemyatni khua ah an khangh hna tiah an thanh.
SAC ralkap pawl cu atu Nyaunglay khua ah hmunhma an khuar lio a si tiah YDF nih an thanh.
June 2 kahdohnak ah SAC ralkap 30 leng an thi i YDF lei in hliamhma a tuarmi an um lo tiah theih a si.
