Gangaw peng ah rallamsial ding in a ra mi SAC ralkap cu kar lak in an doh hna i SAC ralkap 6 an thi,10 leng hliam an hmu
Magway ramthen,Gangaw peng lei ah rallamsial ding in a ra mi SAC ralkap 70 hrawng cu kar lak in an rak doh hna caah SAC ralkap 6 an thi i 10 leng hliam an hmu tiah YPDF sinin theih a si.
Cu SAC ralkap 70 hrawng cu nizaan August 18 chun ah Gangaw tlanglei,Eain Thit khua pawng ah YPDF,YDF,KKG,နဂါးညီနောင် အဖွဲ့(၁) ပကဖ le Gangaw PDF phu fonh nih kar lak in an va doh hna tiah YPDF nih an chim.
Cu kahdohnak cu chun sml 12:30 in sml 2:30 tiang sml 2 hrawng a rau.SAC ralkap pawl cu YPDF phu pawl nih hmai fon in kan doh hma sa hna caah SAC ralkap 6 an thi tiah YPDF nih an chim.
YPDF ralkap pawl nih an hriamnam va lak ding in an kal lio ah SAC ralkap lei nih seh meithel in an kah hna ruang ah hnu an kir than.A dang phu fonh pawl nih SAC ralkap cu hriamngan,hriamhme in an kah ve than hna ruang ah SAC ralkap lei 10 leng hliam an hmu tiah YPDF sinin theih a si.
Cu leng ah SAC ralkap lei nih ruahdap in an kah ruang ah caw cawngtu 1 hriamngan nih a khen ruang ah a nunnak a liam i rua hau ding in a kal mi Khout Khuu khua fapa hna zong an tlaih hna tiah YPDF nih a chim.
Cu kahdohnak dih hnu ah hriamnam he a tli mi palik pakhat zong kan tlaih i tha tein kan zoh khenh.A herh mi biahalnak zong tuah a si.Tantiphu lei in ralkap pakhat zong hriamngan ruang ah hlaim a hmu nain a nunnak caah thin phan ding a um lo tiah YPDF sinin theih a si.(Crd.Ayeyarwaddy Times)
