Gangaw khua Minyaw palik sakhaan cu YDF le Myian-PDF nih an doh hna, ralkap 20 an thi,18 hliam an tuar Karenni ram zarhkhat chung kahdohnak ah council ralkap in officer tel in minung 8 an thi.
Febuary 16,2022
Magwe ramtthen ,Gangaw Peng,Minywa ah council ralkap le palik pawl hmunhma laknak palik sakhaan cu YDF le Myiang – PDF nih Febuary 10 zan sml 7:20 ah an doh hna i Council ralkap lei in 20 an thi,18 nih hliam an tuar tiah YDF nih cathanh an chuah.
Council ralkap lei in tam an thi ii sakhaan cu an la kho lo.YDF lei in ralkap 1 a nunnak a liam,1 nih hliamhma a pu ii hnu lei ah an kir than tiah theih asi.
Febuary 11 zinglei ah council ralkap nih Minywa palik sakhaan ah ralkap thazaang tam an chap hna.YDF nih pawngkam cu an phih dih ruang ah hliamhma pu mi council ralkap pawl cu an chuah kho hna lo tiah YDF nih an chim.
Cun Karenni ram ah Febuary zarhhnih chung ah council ralkap le Karenni PDF kar kahdohnak a chuak.Council ralkap lei in Officer 1 tel in minung 8 leng an thi tiah KNDF nih cathanh an chuah.
Febuary 10 zinglei sml 7:15 ah Loikaw Peng,Fatima khua pawng ah council ralkap le KA,KNDF kar a chuak kahdohnak cu zanlei sml 4:30 tiang a rau i Council ralkap lei in 7 an thi tam nih hliam an tuar tiah theih asi.
Council ralkap pawl nih raltuknak Tank pawl hmang in Karenni phu pawl an doh hna.Fatima le Pache Khua um mipi 2 cu an thah hna.Umnak inn pawl zong mei an duah .
Febuary 10 chun sml 1:30 ah Phekone Peng ,Khaung Mai khua pawng ahh thazaang 100 hrawng um mi council ralkap phu cu Karenni phu nih bomh in an doh hna ii a thi mi zong an um.
Febuary 9 ah Phekone Peng,Pinpon khua hmunhma la tu council ralkap le PNO phu cu Karenni phu nih an doh hna.Council ralkap lei in officer 1 a thi tiah KNLA nih an chim.
Demoso peng zong ah kahdohnak afak ii Demoso palik sakhaan ah hmunhma la mi ခလရ 102 le ခမရ 427 battalion pawl cu Karenni phu nih an doh hna.Council ralkap lei in an thi mi an tam.
Febuary 12 le 13 ah Loikaw Peng,Hmone Pya khua um tibul pawng zong ah kahdohnak fakngai a chuah.Council ralkap lei in a thi mi cu an fer ter kho rih lo tiah KNDF nih an thanh.(Ref:Khit Thit Media)
