Falam le Hakha kar lam cung ah SAC ralkap le CDF tangtiphu kar kahdohnak 3 a chuak i SAC ralkap 20 hrawng an thi, Taal khua cu SAC ralkap nih an khangh
Chin ramkulh, Falam peng, Taal khua cu SAC ralkap nih July 9, zinglei ah rallamsial pawl nih a ruang um lo in mei an khangh caah khua ning piin a kang tiah khua mi sinin kan theih.
Nizaan July 8,chun 12 hrawng ah Falam le Hakha kar lam cung um mi Taal khua pawng ah SAC rallamsial le CNA hruaimi tangtiphu pawl kar ah kahdohnak 3 a chuak i SAC ralkap 20 an thi tiah thawng theih a si.
Rallamsial mawtaw run 27 cu Falam in July 7 ah an i thawh i , cu SAC ralkap mawtaw run cu tangtiphu nih karlak in an rak doh hna.
Meng 43 a hlat mi Falam le Hakha lam zulh in Falam peng in Hakha peng lei ah a rak kai mi SAC rallamsial pawl nih cun a ruang um lo in mei an khangh i inn 3 hrawng lawng tang tiah theih a si.
Taal khua hi inndong 40 tluk a um mi khua an si i a luan cia 2021 October thla chung ah vouhinh an rak khangh ruang ah inndong 11 a rawk i a tu voikhat an khangh ah hin inndong 20 leng a kang tiah theih a si.(Crd.Khit Thit Media)
