Ethiopia Cozah Nih UN Driver 72 Tlaih Chap
American Cozah le UN nih mawhchiatnak le sualphawtnak a tuah lemgmang lio ah Ethiopia cozah nihcun UN bawmhnak thilri phurtu mawtaw khaltu( Driver) 72 an tlaih chap hna.
Alijazeera thawngzamh nih a ttial ning ahcun tutan i UN driver 72 an tlaih chapmi hna pawl hi an tlaihnak hna aruang umlo i Ethiopia cozah zong nih a konglam zeihmanh a thanhlo tiah a mawhchiat.
Tuan deuh ah UN rianttuantu 22 an rak tlaih cang hna i 6 an thlah tthan hna i 16 an taang rih.
Tutan i UN driver 72 an tlaihmi hna hi Ethiopia cozah ralkap le Tageri hriamtlai karlak kahdohnak a fahnak Tageri hmun ah eidin bawmhnak pekding ah an kal lio ah an tlaihmi hna ansi.
UN lei nih Ethiopia cozah an pehtlaihna i an minung pawl thlah piak ding in an i zuam cuahmah lio ah journalists tampi nih ”Ethiopia cozah nih UN minung an tlaihnak hna aruang hi Ethiopia cozah dohtu hriamtlai an bawmh hna caah si” tiah an langhter.
