Egypt ram biakinn pakhat mei kanghnak chung ah minung 41 an nunnak a liam,12 hliam an hmu
Egypt ram, Giza peng chung i biakinn pakhat cu nizaan ah mei a kang i minung 41 an nunnak a liam i 12 hliam an hmu tiah Ministry of Health nih an chim.
အမ် biaknak hmun i အဘူဆီဖင် biakinn cu mei a kang tiah Ministry of Health a chimnak in theih a si.
Hliam a hmu mi 4 hi an nunnak ca tih nung a si i mei kanghnak hmun ah mizaw phor mi mawtaw 37 cu thlah a si tiah Ministry cathanhnak pakhat chung ah an chim.
Wire lei chambau ruang ah biakinn dothnihnak ah a um mi air-con pakhat in mei hi a thok tiah Egypt Ministry of Interior nih a dang tein ca a thanh mi chung ah an chim.
Egypt Orthodox church u pa Pope Tawadros he phone an i chawnhnak pakhat ah mei kangh ruang i a nunnak a liam mi hna caah ka ngeih chiat pi hna tiah Egypt President Abdel Fattah El-Sisi nih a chim.
Mei kanghnak a can hnu ah State organization pawl nih a herh mi bawmhnak pawl an pek hnanak kong cu President Abdel Fatteh El-Sisi nih a chim tiah President zung nih cathanh an chuah mi chung ah an chim.(Crd.Ayeyarwaddy Times)
