Dothlennak le Sersiamnak cu ruang tein kalpi ding in le thawng chin in kalpi ding in NUG caan karlak president Duwa Lashila nih nih nihin October 31 ah tuah mi NUG cozah meeting ah a chim.
“A tu ah kalpi cuahmah mi operation 1027 nih caan tawite chung ah hlawhtlin nak tampi an hmuh mi cung ah ka lomhpi hna.Kahdoh nak ah nunnak pek in a do cuahmah tu chaklei unau ttangti phu (3) si hna seh,an mah he ttangti in ral a tu cuahmah mi pasaltha hna nan zapi in ram mizapi nih kan in dirpi hna leng ah kanmah NUG cozah hrim nih kan in dirpi ko hna “ tiah a chim.Hi dothlen nak chung ah nunnak a pe mi kan pasal tha hna zong zeitik hmanh ah kan philh hna lai lo tiah a chim chap.
Min Aung Hlaing le mah zawn lawng aa ruat mi ralhraang cheukhat hna nih lemsawi ruang ah lung awtawm in a um mi ram a daw taktak mi ralkap hna,Pyithusit hna,Pyusawhtee hna zong a caan a liam hlan ah a ran nak in tlangcung hriamtlai phu le PDF sin ah i dor uh tiah a chim.
Dothlen nak kan tuah tik ah kan i tlaih a herh mi cu dothlennak tuahpah in i sersiam ding hi a si.Sersiam kan ti mi cu Minung thazaang,hriam thazaang leng ah lungthin le ruahnak hrim hrim ah kan i sersiam cio awk a si tiah NUG caan karlak president Duwa Lashila nih cun a chim.
