December 1 Ah UN nih Myanmar Palai Kong An Ceih Cang Lai
United Nations (UN) i rammi palai sinak zohfeltu phu (Credentials Committee) nih Ramkomh Kawlram aiawh in UN ah palai a si dingmi kong caihkhanak an tuah cang lai .
A ralaimi December 1 ah, UN Credential Committee nih National Unity Government (NUG) aiawh in a dirmi palai Ambassador Kyaw Mo Tun nih maw palai sinak a peh lai, asiloah Ralkap nih thlah mi palai nih dah rampi a aiawh lai timi caihkhannak an tuah cang lai tiah theih a si.
Tutan December 1 ah chungtel sinak nawl biakhiaktu ram (9) nih Myanmar le Afghanistan ram aiawhtu palai kong an caih lai tiah UN lei nih an thanh.
Nihin tiang ah, a cunglei langhter mi Myanmar le Afghanistan ram hnih ning in a luanciami cozah hlun nih UN ah an aiawh peng rih.
Ref: Delta News Agency