Dawn nih Sailulak he an i karlak Tio hlei pe 300 leng sau cu an lim cang
Dawn khua mi hna nih an sak mi Tio hlei pe 300 leng sau mi cu an lim cang tiah thawng kan theih.
Hi hlei saupi hi Pe 370 sau le pe 5 kau mi a si i Dawn khuabawi te hruai nak in khuami hna nih sak mi a si.
Hi hlei tuahnak ahhin Dawn khuami nih phaisa an i khawlh hnu ah Sing 20kyats leng an thawh tiah kan theih. Cun ramdang um Dawn khuami chungkhar khat nih phaisa Sing 250kyats leng an bawmh hna tiah kan theih.
Hi hlei hi a liamcia kum 2021 December 16 in an thok i kum 2022 May 28 ah an dih.
“Hi hlei hi Sailulak he kan i karlak Tio tiva cungah kan donh mi a si. Nikum December 16 in kan thok, khua mi nih kan riah hnawh, a lang in a ttuan mi zong um a si. Kan mah khua bak nih kan tuah mi a si i tuthla May 28 ni ah kan lim khawh” tiah khuami pakhat nih Suimilam Media ah a chim.
Hi hlei hi Mizoram Sailulak le Dawn khua karlak Tio tiva cungah donh mi a si i, a cozah bawmhnak siloin mah khua mi le ramdang um chungkhar nih sak mi a si.
Crd: Suimilam Media
