Daw Khin Kyi Foundation Nih Man Loin Computer Cawnnak A Tuahmi Inn An Khangh
Mandalay ramtthen, Kyauhpanttaung peng Pohpa khuapi chung ah ummi Daw Khin Kyi Foundation nih a ttuanmi man lo tein Computer cawnnan (Computer Training House) cu November 12 zaan ah a kang tiah theih asi.
Zaan slm 8:30 hrawng ah meikangh ai thok hi asi i am khangh hramhram mi siselaw a dawh ko tiah khuami pakhat nih a chim.
”A kangh hi zaan slm 8:300-9:00 hrawng ah asi i kan va kal cu anmah pawl an rak um i zoh a ngahlo, Mei a kangmi zong a alh tuk cu a si lemlo,a kiangkap ah Datsi toih hnu ah duahmi a lo ”tiah a chim chih.
Cu inn a kangmi cu mei phalhtu um loin suimilam pakhat chung hrawng a kangh hnu ah amah tein a mit.
Hi inn a khangtu hi ralhrang kuttang Pyusawtthi pawl ansi tiah khuami hna nih an zumh nain a fekmi tehte cu an ngei lo.
Daw Khin Kyi Foundation Computer training house cu ralhrang nih uknak an lakni Febuary 1 khan an rak khar colh tiah RFA nih ttial.
