Nihin February 1 ah Burma ramkomh rampi uknak le hruainak suttung pathum ning in ralkap phu a si mi Tatmadaw nih an lak cang. Cu leng ah a tulio cozah a tlai lio mi NLD hruaitu hna, Ramkulh ramthen CM hna le ramkhel cawlcangtu hna tlaih dih an si. President le State Counselor Daw Aung San Suu Kyi zong an tlaih cang hna.
Nihin chun suimilam 11:48 ah Daw Aung San Suukyi facebook in thanhca pakhat a chuak. Hi cathanh ahhin DASSK nih mipi sin ah nawlnak ca a chim mi cu U Win Htein nih ka nunnak pek in Daw Suu chim mi a si ko tiah ka chim ngam tiah a tial chih.
Daw Suu Cathanh-
- NLD party hi 2008 phunghrampi kha kan rak cohlang lo nain, Hluttaw ramkhel ah kan luh thawk in 2008 phunghrampi cu kan rak zulh i, kan rak upat.
- Cu phunghram remhnak ding zong ah kan rak i zuam.
- 1990 ram pumpi thimnak, 2012 caankarlak thimnak, 2015 ram pumpi thimnak le 2020 thimnak hna zong ah hman lio mi phunghram zulh in kan rak i cuh.
- Hi ca hi mipi nih an rel khawh tik ah cun Tatmadaw nih anmah duhning in an rak tial mi 2008 phunghram hmanh zeirel loin mipi tam-u in thapek in thim mi Hluttaw le cozah phu cu a hrawk cang lai.
- Tatmadaw thil tuah hi a tu ah cun mipi nih ton cuahmah mi COVID-19 zawtnak zeirel lo leng ah rampi kha ralkap uknak tang ah chiah than ding in an i timh tuah. Cu ca ah Tatmadaw nih uknak an lak mi hi mipi nih cohlang hrimhrim loin zapi ning in lehrul ding ah forhfial kan duh hna. Mipi hi a biapi bik nan si ko.
Daw Aung San Suu Kyi
- Acung lei ca “mipi sin ah nawlnak” hi Daw Aung San Suu Kyi pumpak hrimhrim nih a tial mi a si tiah ka nunnak tiang thap ngam in bia kai kam ngam. (Win Htein).
