CRPH, NUG Le PDF Pawl Cu A Rauh Hlanah An rawk dih lai.
Ramkhel hmuhton mi neilo le Pumpak thiltuah khawh nak zei hmanh a nei lo mi pawl i an dirh mi CRPH, NUG, PDF pawl i nawl neih nak , Ramkhel hma-lak an nei lo, Ramkhel kalphung khal ning an nei lo mi, Curuangah hiti pawl Ramkhel lam thluan an kal pi mi cu a rauh hlan ah a rawk dih lai ti ah Karen ramkhel hruitu hlun le SAC ralkap i diih mi rampi Administration Council chungtel Badu Mahn Nyein Maung in social media ah a tial.
1970 ah Myanmar Primer hlun U Nu le a hawi le pawl nih rampi nawlneihnak lak tim in tlangcung mi um nak ramri ah an zam, Parliament Democracy Party an dirh, an hruaitu lu-ban pawl hna mi-cak tak tak le Ramkhel hmuhtawn nei tha le ralkap bawi hlun tampi an i tel. An Party dirhmi zong ah thawn nak a nei ngai ramdang lei zong in bawmnak an dawng ngai. An ralkap dirh mi PDF ralkap zong an cak i an ralthuam zong a chan lio ah cun a tha tak, KNU, Mon le Chin mi zong an rak i tel ve.
Asinan an mah chungah hmuh dan le pomdan a phunphun a chuak i arauh hlah ah a rawk dih.. U Nu la bang nih cun India ramah humhimnak hal in a zam, a beidawng hnuah U Ni Win sin ah surrender in Myanmar ram chung ah a kir than.
1988 ah rampi buai nak nak a thawk than i a kenkip in Tlangcung hriam thlai sin ah an kal hna i DAB ti mi an dirh. A hnuah Myanmar rampi huap sianghngakchia Democracy ralkap (ABSDF) tiin a min an thlen than. Hruaitu tha tha an nei, ramchung ram leng lei he peh-tlaih tha tuk khal an nei . Asinan kum 30 tiang a rau cang, tuah khawh mi tak tak an nei lo.
U Nu le ramkhel thilti kho pawl i dirh mi PDF le 88 sianghngakchia pawl i rak dirh mi ABSDF hman awk tha lo in an lo tlau dih. Ramkhel thinlung nei ngaingai lo, Ramkhel lei ruah nak neilo pawl i dirh mi CRPH , NUG le PDF cu a rauh hlanah an tlau zau lai. Tutiangah tlangcung mi pawl zong nih an pom lo, an thilti hi ram mipi thah le chiat chuah nak lawnglawng a si, arau hlan ah an dih lai ti ah vawlei cungpi theih in Badu Mahn Nyein Maung nih Social media ah a tar.
Badu Nyein Muang hi KNU i a chuah hnu ah 2020 rampi thim nak ah MP a rak i cuh ve nan a tling lo, SAC ralkap nih nawl neih nak an lak hnu an dirh mi Rampi Administration Council chungtel pakhat a si. Spring revolution dohlennak chung u Kawl ralkap pawl a doh tu Z(G-Z) pawl fak tak in a soisel tu a si ti in amiphun zong nih an huat tuk mi asi.
Crd. People Media
