Council ralkap kuttang ah zung riantuan tu pawl cu Ni 10 chung ah chuah dih ding in KNU brigade 5 nih ralring pek.
=============================================
January 31 ,2022
KNU/KNLA brigade 5 ah Karen ram,Papum khua chung ah um mi council ralkap kuttang zung riantuan mi dihlak February 1 in 10 tiang um nak hmun ah tlung dih ding in (KNU /KNLA ) brigade 5 nih January 29 ah cathanh an chuah.
Council ralkap kuttang ah zung riantuan mi dihlak nih acaan khiah mi le Nithla chung ah chuah dih ding. Cun Papum khua chung zong ah council ralkap kuttang ah riantuan lo ding.Atu zulh ding kan chuah mi nan zulh lo ah cun fak in dantat nan si lai ah cathanh an chuah.
KNU kawthulay (ကော်သူလေ) hmun chung ah kah doh nak voi 181 achuah.Council ralkap leiin 159 an thi,100 nih hliamhma an pu.DuthaThu peng(ဒူးသထူခရိုင်),NyaungLayPin Peng(ညောင်လေးပင်),Beit Dawei Peng(ဘိတ်ထားဝယ်),Mutaw Peng (မူတြော်) Dopalaya Peng (ဒူပလာယာ) ah hriamnam ngan in an kah doh hna.Vanlawng in bomthlak an kah doh hna tiah tuan ah cathanh an rak chuah cang.
Mipi um nak khua chung ah vanlawng in bom thlak an kah doh hna a tam caah Athi mi le hliamhma tuar mi an um tiah January 1 in 15 tiang KNU i Ni 15 kah doh nak thawngthang nak ah an rak thanh cang.Cun KNU Kawthulay hmun chung ah mipi 50000 nih ralzam dri hmun an phan tiah theih asi.(Ref:BBC)
