Cohlan Duhlo Paoh Ah Mithah le Meikhangh Hmangmi Kan Si Velo Tiah USDP Chairman U Than Hte Nih A Chim
NLD he ai zuamcawh pengmi USDP Chairman U Than Hte nihcun an zuamcawh hawi NLD soisel pah in February 1 ah NayPyiTaw khuapi Party chungtel biachimnak ah ”Mithah le meikhangh hmang kan si velo” tiah a chim.
”Kan nih cu ram pumpi caah a fekfuan mi tlaihtleng kan ngei, An kan cohlan lo ah mithah le meikhangh hmangmi party kan si velo, Misual pawl forh in mizapi hrocer, Myanmar rampi rawk dih ding in ral a thomi party kan si velo ” tiah USDP Chairman U Than Hte nihcun a chim.
“Cozah kan ser lio zong ah ram pumpi tthanchonnak le daihnak tehe ram a hruaitu kan si i, Cozah kan si tilo hnu zong ah Nawlngeihnak a dik loin a hmangmi kha upadi he kan sawh chih hna i al awk tha loin record kan i ngeih dih ” tiah a chim chih.
Ref: People’s Media
