Christmas Puai Tuahnak Caah Phaisa Hmannak In Ralzaam Bawmh Papek Ding Ah IMBF Nih Forhfial

Christmas Puai Tuahnak Caah Phaisa Hmannak In Ralzaam Bawmh Papek Ding Ah IMBF Nih Forhfial

Christmas puai tuahnak caah phaisa a tlawm khawh chung in hman i ralzaam le a dikmi ttanh ruang ah ral a dotu hna sin ah bawmhnak pek tu kha papek in tuah ding ah ”International Myanmar Baptist Fellowship”(IMBF) nih member sin ah nawlnak cathanh chuah.

Myanmar ramchung ah kan thisen tlai kan unau a sing leng nih an innlo chuah tak in ramtang ah dicih umlo in le rawlttaam le zawtnak phunkip an tuar lio asi, Ralhrang hremnak in zalonnak kan hmuh khawh nak hnga an chungkhar chuah tak in ramtang ah kal in a kakip in ral a tumi relcawklo an si, an herhmi eidin le thilri pin ah sii-ai zong bawm an herh.

Cu lio caan ah Kan Khrihfabu le kan Member hna nih khamhtu chuahcam tuak Christmas puai lomhnak timhlamh pah in Dawtnak lungthin kan ngeih i bawmhchanh a herhmi hna bawmhchanh hi kan i hmaithlak awh asi tiah IMBF nihcun an thanh.

Cun, Myanmar ram hitluk buailio ah mah zawn lawng ai ruatmi hna nih an thinlung dihlak in Christmas puai ah an i lawm kho bal lailo tiah an ca thanh ahcun an telh chih.