China nih Philippines doh ah cun ka huhphenh lai tiah America nih ralrin a pek
America ramdang vuanzi Anthony Blinken nih 2016 ah bia an chah mi upat ding in China ram cu a nawl i tiram buainak chung ah ralkap pawl,ralkap tilawng le vanlawng in doh an ton ah cun Philippines ram ka huhphenh lai tiah ralrin a pek.
China ram i rili chung entheinak ruang ah Philippines cozah nih 2013 ah duhlonak a phun hnu, Hague ah a um mi United Nation the Law of the Sea biaceihnak hmun ah 2016 lio bia an khiah nak kum 6 a tlin ah Manila i um mi U.S Embassy nih Anthony Blinken i a chim mi cu a langhter.
Cu biachahnak ah cun China a rak kai lo caah China nih cu biachahnak cu ning zak a si a hman lo tiah a hrawh i kumruk hlan chung ah Philippines, le a dang Asian pawl ii tiram buainak a chuak hi a si.
International phunglam ningin bia an khiah mi zulh ding le entheinak pawl dongh ding in China cu kan nawl ko tiah Anthony nih chim.
South China rili chung ah Philippines hriamtlai,mipi ti lawng pawl le vanlawng pawl cung ah kahdohnak na tuah ahcun kum 1951 i America-Philippines kar hnatlaknak ningin America nih kan in doh lai tiah Blinken nih a chim.
Titang ah gas le zinan a tam lai tiah ruah mi,kum fatin 5 trillion U.S dollar man thil khuatkhawh tiah tuak mi South China rili chung cu China le Philippines leng in Vietnam,Malaysia,Taiwan le Brunie pawl sin zong ah buainak a chuak.
Philippines ramdang vuanzi Enrique Manalo nih biakhiahnak i buainak hmun ah cozah thar i phunglam cawlcanghnak caah a biapi tukmi pakhat a si lai tiah a chim.Cun a dawnkhan tu ding pawl cu a hlawt tiah theih a si.(Crd.Ayeyarwaddy Times)
