Nizaan (August 11) zaan sml. 7:00 hrawng ah Thantlang khua ah a ummi Chin ramkulh USDP chairman Dr. Hmuh Thang innhmai ah bomb a puak, tiah thawng kan theih.
Chin USDP secretary Pu Cung Bik nih, “Nizaan sml. 7:00 hrawng ah khan Dr. Hmuh Thang innhmai ah bomb a puah hi a si. A puakmi bomb hi kutcheh bomb (လက်ပစ်ဗုံး/grenade) a si,” tiah a chim.
Innhmai bomb a puah lio ah Dr. Hmuh Thang te hi thlacamnak an tuah lio a si i, an inntang thlalangawng an kuai. Aa hliammi an um lo.
Credit. The Chin Journal
