Pakokku in Chin ramkulh lei panh in a rak kai mi ralhraang hna motor bu 87 cu Pauk le Htilin Khua kar Zipyia khua an phak hnu November 7 2023 ah khan hnu ah an kir than i November 9 ah Pauk peng Yipyia khua an phan than tiah theih a si.
Ralhraang motor bu chung i ralhraang cheukhat cu nizan November 8 chung slm 12 tluk Yipyia khua ah Monyua nahmahkhah in Mi 17 vanlawng in an rak laak hna i an nichuah chaklei hoih in an zuan pi hna tiah theih a si.
Ralhraang hna cu pakokku in an rak kai sin in lampi ah tualchung hriamtlai phu hna nih an doh pah lengmang hna caah an motor pahnih cu ai rawk i a tu a kir than mi hi motor 85 a si tiah theih a si.
A tutan a rak kai mi hna hi September thla dongh lei ah pakokku in a rak ithawh cang mi an si hna i Mindat-Matupi lei ah kal aa tim mi an si nain a tu ah Yipyia khua in an kir than hi a si.
