Chin ramkulh chung ah phummi bomb hna nih Chin mizapi hna thin a phan ter i bomb lamh sual nak in a nunnak a liam mi zong an tlawm ti lo.
Hramhram in uknak laak a sit hawk in SAC le Chin hriamtlai hna nih phum mi bomb lamh sual ruang ah Chin mi minung (22) nunnak a liam cang i kut ke bul in aa hliam mi minung (38) an um cang tiah theih a si.
Bomb lamsual ruang ah nunnak a liam mi chung in minung (20) cu ralhraang phum mi bomb aa lamh sual mi an si.vulei ah phum mi bomb kong he pehtlai in theih kauh nak lei cawnpiak kan herh tiah tualchung mi pakhat nih media ah a chim.
“Aluancia 2022 December thla chung ah SAC ralhraang thazaang 80 tluk nih ralphaw ah an ka kal pi,kan kal nak lamthluan vialte ah bomb cu an phum,bomb an phum nak hi mizapi nih hman peng mi lam,lo lam ti bantuk lawng te ah an phum” tiah Matupi khuami pakhat nih a chim.
Ralraang hna khuachung an luh caah ralhrial in um a si,cutin ralhrialnak hmunin khua chung luh than tik ah ralhraang nih inn pawng ah an phummi bomb lamh nak in nunnak a liam mi zong an tlawm tilo.
Chin hriamtlai hna nih cun ralhraang hna ralhmainor nak lawng ah bomb an phum tawn i an phum sinin mizapi hna thawngthanh nak an ngeih tawn hna.ralhraang an kir bak in a taang mi bomb vialte cu fimtawl than a si.
