Chin Chin, Puia le Mawia Ruak An Vui Hna
Ram le miphun ca ah Kalay peng ah a nunnak a pemi Mai Biak Rem Chin kum(23) Salai Cher Thang Puia kum(27) le Salai Rem Mawia kum(26) cu Kalay peng hmun pakhat ah PDF-Kalay nih an vui hna.
November 16 zinglei, Kalay peng PDF riahbuk cu ralhrang nih an luhhnawh lio ah Chin Chin, Mawia le Puaia cu ralhrang nih an hrem hna hnu ah an thah hna, tiah PDF-Kalay nih November 18 zaan ah thawng an chuah.
Ralhrang nih an luh hnawh lio hna ah hin riahbuk ah sii lei thlopbultu nu 10 le pa 2 lawng an um.
Nu 9 an tlaih hnami ralhrang nih ralkhamnak phaw ah an hman hna i an kalpi hna caah kan khamh kho hna lo tiah PDF-Kalay nih an langhter chih.
