CDF-Zotung ralkap 3 cu SAC ralkap nih an thah hna
CDF-Zotung ralbawi Thah Ceu telh in ralkap 3 cu SAC ralkap nih July 27 ah an thah hna i an ruak cu mei in an khangh hna tiah CDF-Zotung nih cathanh an chuah.
SAC ralkap bu hi July 22 ah Chin ramkulh,Matupi peng,Ramsi khua ah an lut i khua mi 27cu biakinn chung ah an tlaih hna.
CDF-Zotung chimnak nawl ngei tu pakhat nih “ralbawi le ralkap 2 nih khua mi hi zei an lawh hnga,an hrem hna ma ti an za zoh hna ah lam ah a rak bawh mi SAC ralkap nih July 23 ah an tlaih hna.An tlaih hna hi khua mi nih an theih lo.July 27 mei an khangh ah khua mi pawl nih ruak khangh hawi a nam tiah an ti.An ruak hi ho dah an si ti cu theih khawh a si ti lo nain pathum an si caah ralbawi le an si lai tiah kan feh ter”.
An thah mi hna hi CDF-Zotung ralkap uktu bawi Thah Ceu(40),CDF-Zotung ralkap Aung Ming Thang(20) le Thang Cing Mang(20) hi an si.
SAC ralkap nih an tlaih mi hna khua mi 27 cu nizaan August 3 ah an thlah than hna tiah theih a si.(Crd.Zalen)
