Canada Ah Ruah Faktuk In Sur Caah Vawlei Cim, Ralkap Thazaang Hmang In Chanchuah
Canada ram, British Columbia state ah ruah faktuk in a sur caah ti a lian i min a cimh (Landslide) caah mi bawmchantu le chanchuahtu ah Canada ralkap an hman hna.
Eidin awk an hartuk cang caah bawmhnak pekding ah Canada cozah nih British Columbia state ah Air-Force a thlah hna i a herhlo ah khualtlawn lo ding le bawmhchanhnak tu papek in rianttuan ding ah nawl a chuah.
British Columbia state chung a biapi in phurhtlunhnak lampi cu cet in a khat i vawleicim nih lam a phih dih caah cunglei in Air-force hmangin bawmhnak an pek hi asi.
Vanguva khuapi nichuahlei meng 60 ah minung 300 tluk an i tap i Air-Force nih Helicopter hmang in an chanhchuah hna.
Cun lothlo pawl nih an i ngeihmi sattil arva an lohtlau lonak hnga cozah nih biatak tein an i hmaithlak i a himnak le ti nih a phanhlonak tlangpar ah an fimpiak hna tiah Delta News nih langhter.
