Burkina Faso Ram Uknak Latu Ralbawi Nih President Rian Ai Khinh, Biakamnak A Tuah
Africa nitlak ram simi Burkina Faso ram uknak cu kan hnu january tla ah ralkap nih uknak an lak hnu in ralbawi Lt. Col. Paul -Henri Sandaogo Damiba nih Burkina Faso president thar dirhmun in biakamnak a tuah.
President biakamnak a tuah lio cu ramchung thawngzamh hna nih live in an thlah tiah theih asi.
”Burkina Faso ram i ukhruainak phunglam hna le a dang phunghram hna zong felfai tein ka zulh lai i ka pehzulh lai ” tiah biakamnak a tuah.
Paul – Henri cu january 24 ah Burkina Faso president thlak in uknak latu ah hruaitu a si i zeitik tiang dah uknak an lak lai ti hngalh khawh a si rihlo.
