Chin Christian Council in Australia (CCCCA ) Khrihfabu hna nih February 1 Ralkap nih uknak an lak hnu in October 10 2021 tiang ah CDM bawmhnak an pek mi hi AU$800,000 leng an an pek cang hna. “ Mah nak leng zong in a tam dueh kho men $900,000 cu aphan cang men lai tiah CCCA GS a si mi Rev. Dr Shu Maung nih CBN ah a chim.
Laitlang lei CDM Tuahmi hna chung in bawmhnak kan hmu hna lo ti mi kong ah biafianhnak
Mizo ram a phan mi zong hi kan zuan hnawh ko hna, a hlei in Pilek le Meithat tu hi kan bawmh ko hna. Ramchung i khuate lei ahhin ngandamnak lei riantuan tu pakhat pahnih le cun a bik in Sianginn cachimtu hna le Uknak lei riantuan tu hna pakhat hnih kha an si. Bawmhnak zong cu pek an si ko. Mah ahhin Supporting team an um . Kha team nihkhan tuanvo an lak khuate lei a umn mi zong kha bawmh a herh mi hna cu an bwamh ko hna ti a si. Ca chimntu hi April tha dih tiang an za tein thla hlawh pek an si caah mah hnu lawng in kan pek hna. February in April tiang kha cu caw chimtu kha CDM bawmhnak an hmu lo.
Mah khawh hnu in CDM a tuah mi hna kha CDM Support team sin i min a phak a si ahcun mah hna cu bawmhnak pek a si ko. A cheu hi Thantlang khua an um lio ah CDM a tuah mi kha kan pek hna, Thantlang in Halkh ah ai thial mi hi CDM Suppot team nih khan an zohfel hna I Hakha an pek hna ahcun, Thantlang lei a min tu kha an phiat. CDM a tuah mi nih phaisa an bawmh mi hna vialte zong minthutnak an tuah dih, mah cu cloud chung ah tha tein an chiah a si. Kha chung i CDM bawmhnak kan hmu lo timi kha an um rih mah hna cu CDM team ah kan van hlat hna tikah an hmuh lonak kong kha an van hal hna, cu chung ah rak pek cang mi zong hi tampi an rak rak um. Cun le Laitlang CDM a tuah mi hna zong hi CRPH le laitlang lei tuanvo ngeitu hna I bawm in Myone 9 ah bawmhnak india ram lei in bawmhnak an pek ko hna tiah a a chim chap.
Chin Christian Council In Australia cu October 10, 2011 ah rak dirh a si. Khrihfabu 20 an si I chungtel milu hi thong 7 leng an si. An riantuannak cu kawlram ah Mission an tuannak hi kum 3 nak a si cang. Paletwa peng zong ah rian an tuan. Pyi Area ahhin Asho Chin mi sin ah mission rian an tuan . Bible sianignn an kaiter mi hna hi Mdiv a dih cang mi hna le M-th a a lim cang mi zong an um cang hna. A tu CDM Caah CCCCA khrihfabu 20 chung in chungtel minung thong 7 an um I hi chung ahhin kum 18 in a cung lei poah nih CDM bawmhnak ca ti in thla fatin minung pakhat Ausi $15 zungzal an thawh . Mah hi an thawh mi cu ral kan tai hlan tiang thawh ding in biakamnak tuha mi a si.
“Chin mi nih harnak an ton tikah CCCA zong nih kan si khawh chung in kan dirkamh hna. Ramleng a um mi Bawm Bangladesh I a um mi hna zong hi kan si khawh chung in bawmhnak kan pek ve hna” tiah CCCA GS Rev. Dr Shu Maung nih CBN ah a chim.
