Asia lampi,Myawaddy-Kawkareik lam cung ah a um mi SAC ralkap sakhaan le gate pawl cu an doh hna i ral bawi 1 telh in 6 an thi
Kayin ramkulh,Myawaddy-Kawkareik lam cung ah a um mi SAC ralkap sakhaan le gate pawl cu ကျားသစ်နက် column nih an doh hna i ral bawi 1 telh in 6 an thi.Mipi vengtu phu lei in 1 a nunnak a liam tiah ကျားသစ်နက် column nih cathanh an chuah.
August 18 zing sml 5:40 ah KNU,KNLA le ကျားသစ်နက် column nih Myawaddy-Kawkareik lam cung um SAC ralkap i Kuanchankone,Yitke Htuu,AK gate cung Kyunpinkone sakhaan,battalion-355 sakhaan pawl cu ကျားသစ်နက် column le tantiphu pawl nih an va doh hna.Cu kahdohnak cu 1:40 a rau i SAC ralkap sakhaan a si mi Yitke Htuu sakhaan in ralbawi bohnih 1,ralkap senhnih 1 le ralkap dang 3 an thi i battalion-355 sakhaan in 1 a thi.Cun SAC ralkap 6 zong hlaim fak an hmu tiah theih a si.
ကျားသစ်နက် column တပ်ခွဲ(၅) in ဒုခွဲမှူး နေကြီး zong cu kahdohnak chung ah a nunnak a liam tiah theih a si.
A tu lio caan ah SAC ralkap nih Myawaddy-Kawkareik lam cu ralkap thazaang an chap,Kawkareik peng zong an phih i nizaan zaan ah Jet vanlawng in bomb an rak thlak hna tiah theih a si.(Crd.Khit Thit Media)
