Yaw Defense Force – YDF nih Rakhine ram chung ah AA nih SAC sakhaan laak kahdohnak a tuah cuah mah mi ah kan itel ve i hmunkhat ah ral kan tu tti hna tiah nihin January 12 ah an thanh.
Kan hnu zarh ah khan Rakhine ram um Taungshi tlang SAC byuha sakhaan cu kan ttangti phu hna he kan laak tiah AA nih a rak thanh.
Cu sakhaan laak kahdohnak cu zarhthum chung a rau i 2024 january 6 ah khan tlam tling tein an rak laak khawh.cu sakhaan laak kahdohnak a dih dongh tiang kan itel ve tiah YDF nih cun a langhter.
YDF ralkap cu Yaw mizapi hna humhim ding ah le kawlrampi ralhraang sal in luat khawh nak ding caah 2021 May 12 ah Yaw ram chung mino cheukhat hruainak in rak dirh mi a si I zeibantuk phu dang hmanh ah a um mi a si loin a fek mi dothlennak lungput he dirh mi a si tiah an langhter.
“2023 December a zarhhnih nak thok in Rakhine ram Taungshi tlang SAC sakhaan laak kahdohnak ah ttangti phu hna he raltuk experience lak pah ding in le raltha tein ral kan rak tu,a tu bantuk in ral tuk tti ding a kan cohlang tu AA cung ah kan ilawm” tiah an langhter chih.
