AA Ralkap 31 Kan Tlaih Mi Hna Nu le Pa Sin Ah Kan Ap Hna Tiah Arakan Ramkulh SAC Lutlai Nih Chim
Arakan Army(AA) ralkap 31 cu kan hnu January 27 ahkhan Maungdaw ramri hngak palek simi Cingchaung palek camp nih an tlaih hna tiah theih asi.
Cu tlaih mi hna AA ralkap pawl cu sau hreng loin an nu le anpa sin ag kan ap than cang hna i, Um kalnak ai harhmi minung 3 tu cu Taungkoh pengkulh tawlrel tu hna sin ah Febuary 1 ahkhan kan ap hna i anmah nih nu le pa sin ah an ap chin te hna lai tiah SAC ralhrang riankhinhmi Pyine Upadi choh U Hla Thein nihna chim.
”U Hla Theih nihcun AA ralkap bak an si ti cu ka chim kholo nain, Ramri hngak palek nih an tlaih hna i an chek hna tik ah hmatpungttin zong zeihmanh an ngei lo , kum tling lomi hna an um caah nu le pa sin ah kan ap tthan hna ” tiah U Hla Theih nihcun a chim.
Hi an tlaihmi hna hi AA ralkap training dihka tete an si i an umnak ding pengkulh hmun cio an kal lio ah tlaih an ton hi asi,
Arakan ramkulh pengkip in ramri lei ah mino a phu phu in training kai i an kal caah an lunghrinh hna i an chek hna tik ah hmatpungttin an i kenlo caah an tlaih hna nak hi asi tiah BBC nih langhter.
