Chin ramkulh,Paletwa peng ah Rakhine ralkap AA nih hram hram in ralkap tlak ding tiah mi thar an kawl hna caah khuami minung 40 leng cu Mizoram lei ah an zaam tiah thawng kan theih.
Paletwa Peng Miza khua ah a luancia April 19 ah khan meeting an rak tuah i Paletwa mizapi hna chungin kum 18 le kum 40 karlak pa pawl cu AA sinah ralkap tlak ding tiah thawng an rak thanh hna caah AA ralkap chung tlak a duh lo mi khuami hna cu Mizoram ah an zaam hi a si.
“Nizan ah khan minung 40 an rak phan,nihin zing ah khan minung 7 an rak phan chap. Hi hna chung hin nu 7 an i tel.an zapi te hin kum 30 fai mino lawngte an si hna.AA ralkap tlak i training kai ding an duh lo caah a rak zaam mi an si hna” tiah Mizoram ralzawm bawmtu pakhat nih a chim.
Cu bantuk in Mizoram lawngtlai peng chung ah a rak zaam mi hna cu ei le din kong ah harnak an tong ngai i bawmh chanh zong an herh ngai.
2024 April thla chung ah khan Paletwa peng Kyi-Le,Htron-Ai le Miza khuate hna ah AA pawl cu kal in AA ralkap chung ah lut ding tiah meeting an va tuah pi hna hi a si.
