A Voi 72nak Karenni Army( KA) Ralkap Training Dihnak Puai An Tuah
KNPP ralkap simi Karreni Army (KA) i Batch 72 ralkap training dihnaj puai cu tuni febuary 5 ah KNPP hmunhma pakhat ah tuah a si tiah Karenni Army Center nih a langhter.
Karenni Army(KA) i Batch 71 ralkap training cu 2021 October 9 ahkhan an dih i thla 3 a dan hnu ah Batch 72 ralkap training an tuah khawh tthan i tuni febuary 5 ah training kharnak puai cu an tuah.
Rakhrang nih uknak an lak hnu in Karenni Army( KA) sin ah ralkap training a kai mi mino an tam pin ah Karenni (Kaya) ramkulh chung zong ah Mizapi vengtu ralkap an dir i an ngeih chun hriamnam in ralhrang an doh hna i Karenni Army(KA) zong nih 2021 May 20 in Mizapi ralkap he fonh in Ralhrang cu an rak kah cang hna i tutiang biatak tein an i kap.
Karenni Army(KA) ralkap uktu Bochoh Behto nih Mipi a thatnawng tu ralhrang he ceihhmai le tonnak ding sullam a umlo tiah Batch 71 lio ah a rak chim i Mipi dihlak nih nu he pa he Min Aung Hlaing an doh ko caah kan dihlak kan lung ai rual ahcun teinak hmuhlo nak ding lam hrim a umlo tiah a rak chim.
# Springs Revolution
