A Hnu Bik CDM Tuah Ni Kanpalet Nih Thanh
Chinram, Kanpalet pengkulh chung ralhrang kuttang ah rianttuan rihmi Non-CDM hna caah a hnu bik CDM tuah ding nicaan cu Kanpalet Mizapi Uknak Phu nih a thanh.
Kanpalet peng Mizapi Uknak Phu nihcun ralhramg kuttang ah rianttuan rihmi Non-CDM hna nih November 27 a hnubik chia in CDM tuah ding le min pek ding in a thanh i, hihi a hnubik CDM tuahding caah caanttha hmanung bik a si tiah a thanh chih.
CDM tuah lomi caah sualphawtnak ding zulhphung zong kan ser tiah Kanpalet Mizapi Uknak Phu nihcun an thanh chih nain zei bantuk indah sualphawt dantatnak kan pek hna lai timi tucu an thanh chih lo.
