A Hmasa Bik Vok Lung Ai Bunhtu David Bennett (Kum 57) A Nunnak Liam
American rammi David Bennet cu lung zawtnak a ngeimi a si caah January 7 ahkhan Meryland State Baltimore siizung ah a lung cu vok lung in an rak thlen piak i thlahnih a rauh hnu March 8 chun ah a nunnak a liam, Amah hi vawlei cung ah Vok lung a hmang hmasa bik a si.
Vok lung in a lung an rak thlen hlan ahhin ”nun ka duh rih caah a si, muihnak chung in ka thi ko lai: thimding dang ka ngei lo” tiah David Bennett nihcun a chim.
David cu a lung vok lung in an thlen hnu ah voklung nihcun a pumchung ah ttha tein rian a ttuan ko i a chung khar he zong nuam tein khua an sa ko i, zeiruang bik ah a thih ti cu fiang in an hngallo.
