Tamwe,Bana Dala(ဗညားဒလ) lam cungah bom kan hmuh tiah SAC ralkap nih an ti.SAC ralkap nih lamlai ah bom cu an puah
Yangon ramthen,Tamwe peng,Bana Dala lam cung ah bom kan hmuh tiah an ti i mawtaw lam an phih.SAC ralkap pawl nih lamlai ah cu bom cu an puah i a puah thawng cu a thangtuk tiah khuami nih an chim.
July 12, slm 12 hrawng ah Tamwe ah bom kan hmuh tiah an ti i SAC ralkap nih Bana Dala lam,Aung Mingalar lam an phih.Cun Yuzana lam zong an phih i sml 12:48 ah lamlai ah cu bom cu an puah tiah theih a si.
“Bana Dala lam cung ah bom kan hmuh tiah an chim i cu bom cu lamlai ah an puah.Bom thawng cu a thang ngai, mi hmuh lo nak ah kal pi a ngah ko nain hram hram in lamlai ah an puah.A pawng um mi pawl nih tih hna seh tiin bom ngan mi a si tiah an chim i dawr an khar tar hna,mawtaw an thial tar hna.Bom hi bawm a hring mi chung ah an chiah” tiah Tamwe ah a um mi pakhat a chim.
Khua chung dohthlennak a tuah mi phu nih “cu bom cu SAC ralkap pawl an dir tawnnak hmun te ah kan chiah,SAC ralkap an phak ah khan hmunthur la mi mawtaw le hmunthur char mi hngakchia an um caah puah lo in kan um than. SAC ralkap nih cu bom cu an hmuh i an phoih thiam lo caah an puah” tiah an chim.(Crd.Khit Thit Media)
